Blood Letting sa La Verdad Christian College

Masiglang nakiisa ang mga estudyante ng La Verdad Christian College sa inorganisang blood letting ng mga estudyanteng Health Care sa La Verdad sa kanilang paaralan sa La Verdad Christian College sa Bagong Barrio Caloocan noong ika-18 ng Hulyo ngayong taon.

            Ang blood letting na naganap sa kanilang paaralan ay isa lamang sa mga aktibidad sa kanilang pagdiriwang ng “Nutrition Month”. Ang blood letting ay nagsimula ng alas-nuebe ng umaga hanggang hapon sa La Verdad auditorium. Ang blood letting na isinagawa ay naging matagumpay sa pakiki-isa rin ng Philippine Blood Center at mismong ang mga estudyante na mga Health Care na rin ang nagsagawa ng pagkuha ng blood pressure sa mga nagdonate ng dugo.

            Higit isang daang estudyante ang boluntaryang nagnais na magdonate ng dugo ngunit sa ilang kadahilanan ay hindi sila pumasa sa naganap na assessment at ang ilan naman ay kinailangan ng pahintulot ng magulang. Ang mga guro at ilang empleyado rin ng La Verdad ay nagdonate ng dugo, ganun rin naman ang ilan sa mga magulang at kaibigan ng mga estudyante na sumadya pa sa La Verdad.